| |
|
 |
|
|
| Angscht |
| Text: Mäusli |
| Musik: Mäusli |
© 2004 all rights reserved
Irgendwie fühl ich mich nöd wohl
Quasi s’Gägeteil vom Golden Goal
En Schtei im Buuch, Bleigschmack im Muul
Dä Zueschtand isch total uncool
Jedä Tag wird so zur Plag
Ich han Angscht um oises Land
Ich han Angscht ich verlüri emal dä Veschtand
Ich han Angscht dä Mond ghei ois uf dä Grind
Ich han Angscht ich überfahri es Chind
Ich han Angscht dä Tüüfel schtöngi vor dä Türe
Angscht ich chönn nöd günä, numä verlürä
Ich han Angscht wänn ich a Xundheit dänke
Ich han Angscht vor dä Pilla wo tuet dä Bluetdruck sänke
Ich han Angscht um oise Wältfridä
Ich han Angscht ich seg irgendwänn mal gschidä
Ich han Angscht vor em Schtärbe
Ich han Angscht ich täg nie öppis erbä
Ich han Angscht will mis Huus us Glas bout isch
Ich han Angscht obwohl alles versicheret isch
Ich han Paranoia, Klaustrophobie
Ich han Angscht vor dä Tier im Zirkus Knie
Ich han Angscht ich heg zvill Angscht uf däre Wält
Ich han Angscht ich verspekuliere mis Gäld
Ich han nassi Händ und chalte Schweiss
Und die Antidepressiva nützt en Scheiss
Ich han Angscht ich chönn emal nüme laufe
Ich han Angscht vor luuter Uusgäh nüt me chaufe
Ich han Angscht vor em böse Wolf
Ich han Angscht vor oisem Nachber, em Psycho-Rolf
Ich han Angscht wänn d’Britney nomal en Film dräit
Ich han Angscht wänn dä Sepp dä Rase mäit
Ich han Angscht dass de Blick no lang schriibt
Ich han Angscht dass de Blocher no lang im Amt bliibt
Ich han Angscht vor em Fallschirmspringä
Ich han Angscht wänn da Enrique Iglesias tuet singe
Ich han Angscht vor em atome Müll
Ich han Angscht wänn ich mer d’Lampe füll
Ich han Angscht dass West Ham abschtiigt
Ich han Angscht wenn Dütschland siegt
Ich han Angscht vor em Flüge, Tauche, Schüssä
Ich han Angscht ich chönnt mis Läbe emal gnüsse |
<< zurück
|
|
|
|
