| |
|
 |
|
|
| Söttsch |
| Text: Mäusli |
| Musik: Mäusli |
© 2006 all rights reserved
söttsch halt eifach nöd so dick sii
und zie kei dummi fratze
und schniid mal dini fäde es bitz
aber mach der ja kei glatze
söttsch halt eifach nöd so schloote
und bitte hör uf mit däm kiffe
du chunnsch e no früe gnueg zu de toote
und hock mal ab bim schiffe, schiffe
söttsch höre mit däm trinke
es isch ja nöd zum luege
und dini läbere macht winke, winke
es druckt us allne fuege
söttsch eifach nöd so glotze
susch schtiigi zu mim töffli uus
so öppis isch doch eifach zum chotze
Söttsch eifach chli lehre druus
söttsch halt eifach nöd so hirne
und mach doch wenigschtens es bizli mit
was bringed scho runzle i de stirne
wär wott dänn da scho di ganz zyt schtriit
söttsch halt eifach nöd so singe
nur vo de musig häsch au nöd gfrässe
nur e rächti büez cha zfrideheit bringe
muesch halt dini troim vergässe
und söttsch halt eifach chli meh schaffe
dä uufschwung chunnt nöd eifach eso
beweg mal dini masse
und drum mis motto hey ho, let’s go! |
<< zurück
|
|
|
|
