| |
|
 |
|
|
| S'letschtä Kapitel |
| Text: booze |
| Musik: booze |
© 2009 all rights reserved
hüt morge händ’s es bracht uf allne statione
und sither tüend’s vo nüt meh anderem brichte
es bombegschwader vo de vereinte natione
heg dä befehl di gsamti mänschheit z’vernichte
und d’wältregierig seit, äs segi schad
dass de plan ändgültig fride z’schtifte
sich gar nöd andersch verwürkliche laht
als alli beteiligte z’vergifte
und nöd ei seel söll de nächscht tag überläbe
und flüchte, so sägeds, hegi gar kän zwäck
äs bringi nüt, jetzt no am läbe z’chläbe
will das neue gift chrüchi i jedes versteck
und so started mit gas und bazille ufmunitioniärt
abertuusigi flugzüüg zu jedem ort
und begönd wältwiit folgsam und ambitioniärt
dä vo de wältregiärig befohleni mord
und d’mänsche chrüüched winselnd under ihri bett
und ränned in chäller oder au in wald
und s’gift hanget gääl wiä wulche über de schtedt
und di erschtä liiche ligged scho uf em asphalt
und mänge hofft zerscht no är chäm devo
aber käne schafft’s und d’wält wird langsam läär
s’gift breitet sich uus und schliicht äso
dur d’wüeschti, übers meer hinder jedäm här
und schliesslich ligged d’mänsche i fuulende hüüfe
und überall hanged’s tot zu de feischter uus
sie triibed, diä wo’s gschafft händ, sich z’ersüüfe
und langsam gönd überall d’liächter uus
und dampfer schwanked im meer belade mit tote
und jedäs läbe isch verlöscht uf em blaue ball
und flugzüüg irred mit tusig tote pilote
brännend wiä komete use is all
so hät sich d’mänschheit endlich fride gholt
zwar isch d’methode nöd usgsproche human
aber d’ärde isch äntlich still und zfride und rollt
völlig beruhigt ihri bekannt elliptischi bahn |
<< zurück
|
|
|
|
